ეს მოვლენა ძალიან საყურადღებოა  – რას უნდა ველოდოთ 25 მარტიდან 8 აპრილამდე პერიოდში

0
403

25 მარტს სასწორი ნიშანში სავსე მთვარეც იქნება და დაბნელების დერეფანიც წყება. როგორც ასტროლოგები ამბობენ, ეს დღე არსებულ ურთიერთობებს, პარტნიორობასა თუ შეთანხმებებს მკაფიოდ და ზუსტად გაარკვევს. წარსულში დატოვებული ურთიერთობები, არამომგებიანი საქმეები, არასაჭირო ხელშეკრულებები საბოლოოდ დასრულდება და თქვენს ცხოვრებაში თავის ადგილს იპოვის. ურთიერთობებში სიცხადის პერიოდი იწყება. ამ დღეს ენერგია დაქვეითებულია, ემოციური ფონი კი მომატებული. ახალი საქმეების დაწყება არ ღირს, 25 მარტი მთლიანად ძველი ციკლის საბოლოოდ დასრულებისაკენ გიბიძგებთ.

ბევრისთვის სავსე მთვარე და სასწორი ნიშანში დაბნელება ნოსტალგიური იქნება და შესაძლოა, სევდაც იგრძნოთ. პირველ რიგში იმიტომ, რომ დაბნელება წარსულის კვანძში ხდება. ისეთი შეგრძნება გექნებათ, თითქოს თქვენი ცხოვრების ერთ თავს საბოლოოდ ხურავთ. 25 მარტი გაჩვენებთ აუცილებლობას, რომ საბოლოოდ დაასრულოთ ის, რაც თქვენთვის ადრე ემოციურად ძალიან მნიშვნელოვანი იყო, მაგრამ ახლა დანიშნულება დაკარგა… ეს მხოლოდ სასიყვარულო ურთიერთობებს არ ეხება, საუბარია საქმიან ურთიერთობებზეც და სხვადასხვა ადამიანთან მეგობრობაზეც.ამ პერიოდში შესაძლოა, ყველა “გაბზარული” კავშირი სამუდამოდ დაიშალოს.

იქიდან გამომდინარე, რომ 8 აპრილს ვერძის ნიშანში ახალი მთვარეა და ამით დაბნელების დერეფანიც სრულდება, წინ მნიშვნელოვანი სიახლეებიც გელით. ვერძი არის ნიშანი, რომელიც პროცესების გააქტიურებაზე, ახლის დაწყებაზე, მოვლენების დაჩქარებაზეა პასუხისმგებელი. ამიტომაც, გეძლევათ შანსი, რომ თქვენი ცხოვრების ახალი თავი დაიწყოთ და შეცვალოთ ის, რაც დიდი ხანია, გინდათ.

აღნიშნული პერიოდი კარმული ხასიათით იქნება გამორჩეული. თითქოს, ყველა ადამიანი იღებს ზუსტად იმას, რაც დაიმსახურა. ვინაიდან, დაბნელების დერეფნის დროს პლანეტა მერკური რეტროგრადულ მოძრაობაში იქნება, მოგიწევთ, ნებისმიერ საქმეს, რასაც ახორციელებთ, კიდევ ერთხელ გადახედოთ და თქვენს ნაბიჯებში დარწმუნდეთ.

ამავე დროს, შესაძლოა, სრულიად მოულოდნელი ცვლილებების წინაშე აღმოჩნდეთ. ეს ეხება კარიერას, ასევე პირად ურთიერთობებს, მოგზაურობას, უნარებისა და ცოდნის განვითარებას, ცხოვრების სხვადასხვა სფეროს . იმის გამო, რომ ემოციური ფონი მომატებულია, ნებისმიერი გადაწყვეტილების მიღების წინ კარგად დაფიქრდით. წინ არაერთი სიახლეა!

მასალის გამოყენების პირობები

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ