როგორც ასტროლოგები ამბობენ, 18 იანვრის ღამე ხსნის ციკლს, რომელიც გამძლეობას, თანმიმდევრულობასა და იდეების ერთგულებას აფასებს. ძალიან მნიშვნელოვანია, რომ საკუთარ თავს მოვუსმინოთ და განვლილი ეტაპები შევაფასოთ. ეს უნიკალური შესაძლებლობაა მათთვის, ვისაც თვითგანვითარების სურვილი აქვს. ილუზიები საბოლოოდ ქრება და თითოეულ ჩვენგანს მოუწევს, რეალობა ობიექტურად შეაფასოს.
ამ პერიოდში შესაძლოა, არსებულ ურთიერთობებს, საქმეებს განსხვავებული თვალით შეხედოთ. აღმოაჩინოთ, რომ ის, რაც ადრე განსაკუთრებით პრიორიტეტული გეგონათ, ახლა ასეთი მნიშვნელოვანი აღარაა და დროა, სიახლეებზე იფიქროთ. ან არსებული საქმეების განვითარება გადაწყვიტოთ. იმპულსურ გადაწყვეტილებებს გააზრებული მოქმედება ჩაანაცვლებს, რაც გრძელვადიანი წარმატებებისკენ გვიბიძგებს.
18 იანვრის ახალი მთვარე შეგვახსენებს, რომ ძალა თანმიმდევრულობაშია. ეს იქნება დრო, როდესაც ყველაზე პოზიტიური შედეგები დაგეგმვასა და დისციპლინას მოჰყვება.
ამ დღის ენერგია გვიბიძგებს, დავასრულოთ ძველი საქმეები, შევაფასოთ საკუთარი მიზნები და ამბიციები, დავგეგმოთ ცხოვრების ყველა სფერო და კონკრეტულ ნაბიჯებზეც ვიფიქროთ.
