3 მაისს მერკური კუროში გადავა, სადაც დარჩება 17 მაისამდე – კომუნიკაცია უფრო სასიამოვნო გახდება. შეიძლება გააბათ რომანტიკული ურთიერთობა. გამოამზეუროთ და იამაყოთ თქვენი ჰობით. ბავშვების თემა უფრო აქტუალური გახდება, იქნება საუბარი ბავშვებთან, მათ სწავლასთან, მიღწევებთან დაკავშირებით.
5 მაისს მარსი დაძაბულ ასპექტშია იუპიტერთან, ხოლო მერკური – პლუტონთან – რთული და დაძაბული დღეა. ამიტომ, თუ აუცილებელი არაა, ამ დღეს ნუ დაგეგმავთ მნიშვნელოვან შეხვედრებს, საქმეებს. ფულის გამო არ ღირს კამათი. შეიძლება მოგეჩვენოთ, რომ ახლობლებს მხოლოდ ფულის გამო უნდათ თქვენთან კომუნიკაცია. 6 მაისს ვენერა ოპოზიციაშია ლილიტთან (შავი მთვარე) – შეიძლება ვიღაც ფარულად ხელს გიშლიდათ საქმეების მოგვარებაში, პროექტების განხორციელებაში. შეიძლება ვიღაცამ ჩაგინერგათ ეს შიში, რომ რაღაც არ გამოგივათ. ახლა შეიძლება გამოვლინდეს ან დაამაცხროთ ეს ადამიანი. შეიძლება გამჟღავნდეს ფარული ინფორმაცია, რაც არასასიამოვნოდ წარმოგაჩენთ. ლილიტისა და ვენერას შეერთება გვქონდა 2025 წლის 28 ნოემბერს და გაიხსენეთ რა ხდებოდა ამ დღეს. 6 მაისს პლუტონი რეტროგრადული ხდება 16 ოქტომბრამდე – პლუტონი არის დიდი ტრანსფორმაცია და პლუტონი ბრუნდება კონკრეტულ წერტილში იმის გამო, რომ მოხდეს იმის გაწმენდა, რაც ვერ გაიწმინდა პირველ ჯერზე. პლუტონი რეტროგრადული ხდება თქვენი ფინანსების სფეროში და უნდა მიუბრუნდეთ ამ სფეროს. შეიძლება დაიბრუნოთ ვალი ან თუ ხელფასის მომატება გსურდათ, მიუბრუნდეთ ან საკითხს. 14 მაისს მზე-მერკურის შეერთება გველოდება კუროში – ამ დღეს ფრთხილად იყავით მგზავრობისას, საბუთების მოწესრიგებისას; განსაკუთრებით თუ თემა ბავშვებს, საყვარელ ადამიანებს ეხება. იყავით ობიექტური ან საერთოდ არ თქვათ არაფერი, სანამ რთული დრო არ გაივლის. არ დაიწყოთ ახალი შემოქმედებითი იდეების განხორციელება და ნუ ენდობით დაპირებებს, რომლებსაც ამ დღეს მოისმენთ. 17 მაისს გველოდება ახალმთვარეობა კუროში 00:01-ზე – სიახლეები გელოდებათ პირად ცხოვრებაში, შემოქმედებში, ბავშვების ცხოვრებაში. იქნება დღესასწაული და სხვებთან გაჯიბრების სურვილი, თქვენი უპირატესობის დასამტკიცებლად. 17 მაისს მერკური გადადის თავისი მმართველობის ნიშანში – ტყუპში, სადაც დარჩება პირველ ივნისამდე. გახშირდება თქვენი სამსახურის გამო კომუნიკაცია, საბუთებისა და დოკუმენტების შედგენა და ფრიალი. შეიძლება მიიღოთ მნიშვნელოვანი ინფორმაცია, საბუთი. ბიუროკრატიულ საკითხებს იოლად მოაგვარებთ. არაა გამორიცხული, ახლობლის ჯანმრთელობის გამო გქონდეთ ინფორმაციის მიმოცვლა. 17 მაისიდან 23 ივნისამდე მარსი კუროშია – უნდა გააქტიურდეთ, რომ გაიუმჯობესოთ პირადი ცხოვრება. არ ეჩხუბოთ საყვარელ ადამიანს, შვილებს. შეიძლება შვილების გამო მოგიწიოთ ხმლის გაშიშვლებამ. ზოგიერთი დაიწყებთ შემოქმედებითი იდეების განხორციელებას. 18 მაისს მერკური შეერთებაშია ურანთან – სიახლეები და განახლებები გელოდებათ სამსახურში. შეიძლება შეგეცვალოთ გრაფიკი, სამუშაო გარემო, მოვიდეს ახალი თანამშრომელი, დაიწყოთ ახალ პროექტზე მუშაობა აიტიტექნოლოგიების გამოყენებით. დაგებადოთ ახალი იდეა საქმიანობასთან დაკავშირებით და შეიძლება მიიღოთ არარეალური შემოთავაზება სამსახურთან დაკავშირებით. 19 მაისს ვენერა კირჩხიბში გადავა, სადაც დარჩება 13 ივნისამდე – მოიმატებს რომანტიკულობა, პაემნებზე სიარულის, სიყვარულით ტკბობის სურვილი. შეიძლება გაიცნოთ სასიამოვნო ადამიანი, გამოგიჩნდეთ ახალი კლიენტი. რომანტიკული ურთიერთობა გახდება ჰარმონიული. შეიძლება მიიღოთ ფული კლიენტების ან პარტნიორისგან. 21 მაისს მზე, ერთი თვით, ტყუპში გადადის – უნდა გამზევდეთ თქვენს სამსახურში. უნდა გამოავლინოთ ინიციატივაა, თუმცა არაა გამორიცხული, რომ მოიმატოს ვალდებულებებმა. შეიძლება გამოგიჩნდეთ დაქვემდებარებულები ან აიყვანოთ სამსახურში ძიძა, მძღოლი, დიასახლისი. ზოგიერთს მოგიწევთ სხვისი გაფუჭებული საქმის გამოსწორება. თუმცა, არ გადაიღალოთ, ისწავლეთ დასვენება, გამონახეთ დრო შესვენებისთვის. ვიცი, რომ არ იცით საკუთარი თავის დაზოგვა და ამიტომ ვწერ. 22 მაისს მზე ურანთან შეერთებაშია – რევოლუციური აფეთქებები უნდა მოხდეს თქვენი სამსახურის, ყოველდღიური ვალდებულებების სფეროში. შეიძლება გამოგიჩნდეთ ახალი პროექტები, დავალებები, რასაც ინოვაციურად განახორციელებთ. 25 მაისს მზე მთვარის კარმულ კვანძებს შორისაა და მერკური დაძაბულ ასპექტშია შავ მთვარესთან – ყველაფერი უნდა გაარკვიოთ, ყველაფერში სიცხადე უნდა გქონდეთ. ეცადეთ, არ გათქვათ ინფორმაცია, საიდუმლო. არაფერი გააჟღეროთ, სანამ საბოლოოდ არ დარწმუნდებით ან საბოლოო შედეგს არ მიიღებთ. 26 მაისს, მზე ასპექტშია პლუტონთან – მატერიალური მდგომარეობის გაუმჯობესებაზე უნდა იზრუნოთ. შეიძლება ადრე გქონდათ რაღაც მცდელობა და რაღაც მიზეზის გამო არ გამოგივიდათ, ახლა უნდა მიუბრუნდეთ და საფუძვლიანად გამოასწროოთ. შეიძლება ამ პერიოდში მიიღოთ პირველი ან გაზრდილი ხელფასი. 31 მაისს, 12:44-ზე სავსემთვარეობა გველოდება მშვილდოსანში – სავსემთვარეობა ისედაც ემოციური პერიოდია და საკმაოდ რთული დღეა და ეცადეთ, ამ და პლუს/მინუს 3 დღე იყოთ ფრთხილი და დაკვირვებული. შეიძლება გამოვლინდნენ ან თქვენ გამოავლინოთ ფარული მტრები. შეიძლება გაიგოთ, ვინ გიშლიდათ ხელს წინსვლაში. ახლა უნდა გამოხვიდეთ ჩრდილიდან. უნდა დაუხუროთ კარი წარსულს, იქ, სადაც აღარაა განვითარება, სიხარული. ეს სავსემთვარეობა მოგცემთ შესაძლებლობას ჩახედოთ თქვენს შიშებსა და ფობებს (დიახ, თქვენც შეიძლება ასეთები გქონდეთ) თვალებში და მიხვდეთ, რომ თქვენთვის შეუძლებელი არაფერი არ არსებობს!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
