ასტროლოგი ანა მზიანი სოციალურ ქსელში საინტერესო პოსტას აქვეყნებს:
ივნისის ასტროლოგიური პროგნოზის გაკეთება დავიწყე, ტყუპი პირველი იქნება, და ერთმა მნიშვნელოვანმა ფაქტმა მიიქცია ჩემი ყურადღება. ურანი, ეს მხარ-თეძოზე წამოწოლილი პლანეტა, ტყუპშია, ეს უკვე ვიცით, 26 აპრილს გადავიდა, პლუტონი მერწყულშია (ორივე ჰაერის სტიქიაა) და 30 ივნისს ლომში იუპიტერი გადადის. ანუ რა გამოდის? მოკლედ მიმოვიხილოთ თითოეული:
ტყუპი ეს არის სწავლა, კომუნიკაცია, მიმოსვლა ახლო მანძილზე, ხელშეკრულებები, ვაჭრობა და ბიზნესი, ათი საქმის ერთად კეთება. ურანი ეს არის მოულოდნელობა, რევოლუცია, გენიალური იდეები, აფეთქებები, ელექტროენერგია, ნერვები; ანუ, მომდევნო 7 წლის განმავლობაში გენიალურობა, უნიკალურობა, გენიალურობა, ნერვიულობა, სწავლაში გარღვევები და იდეების განხორციელება კიდევ უფრო გააქტიურდება. მერწყულში პლუტონს მოაქვს გლობალური ტრანსფორმაციები აიტის, სოციალური ქსელების, სამეგობროს, მომავლის ტექნოლოგიების, ავიაციის სფეროში. ლომში გადასული იუპიტერი აბედნიერებს და აბევრებს ტყუპში გადასულ გადარეულ ურანს რომ კიდევ უფრო მეტი გიჟური იდეა განახორციელოს. სხვათა შორის, არც ვერძში მყოფი სატურნი და ნეპტუნის ასპექტები იქნება ცოტა და გავლენებიც იქნება სერიოზული. 18 მაისიდან მერკური თავის ნიშანში ტყუპში იქნება და ურანთან დამეგობრდება. 22 მაისს მზე გადავა ტყუპში და სამივე ერთად დიდი საქმისთვის გაერთიანდება. ურანი ტყუპში 2033 წლამდე იქნება. მანამდე 8 წლის განმავლობაში კუროში იყო და გაიხსენეთ, რა ცვლილებები მოგიტანათ კუროებს და მათ, ვისაც პლანეტები და მნიშვნელოვანი წერტილები გყავთ კუროში. ტყუპისთვის მზისთვის კი ურანი იყო საიდუმლოებების, შიშებისა და განმარტოების სახლში და საინტერესოა, რა გქონდათ ამ 7 წლის განმავლობაში. 2033 წელს კი ურანი კირჩხიბში გადასახლდება. ურანი ტყუპში ცოტა ხნით უკვე იყო 2025 წლის ივლის-ნოემბერში და გაიხსენეთ რა ხდებოდა ამ პერიოდში თქვენი და თქვენი ახლობლების ცხოვრებაში. კიდევ უფრო შორს რომ წავიდეთ, ურანი ტყუპში იყო 1941 წლიდან 1949 წლამდე. ამ დროს შეიძლება თქვენი მშობლებიც კი არ იყვნენ დაბადებულები, მაგრამ ეიაის რომ ვკითხე, ამ პერიოდში შეიქმნა პირველი ვინილის გრამფირფიტა, შტრიხკოდი, კომპიუტერი, რეაქტიული თვითმფრინავი, შეიქმნა და გამოსცადეს პირველი ატომური ბომბი. არ ვეხები პოლიტიკას, თუმცა, ამ პერიოდში, რომ შეიქმნა ისრაელის საახელმწიფო, ინდოეთმა ბრიტანეთიდან დამოუკიდებლობა რომ მოიპოვა და მეორე მსოფლიო ომის ამბები ჩემზე უკეთ გეცოდინებათ. ტყუპში მყოფი ურანი გავლენას იქონიებს, რა თქმა უნდა, თავად ტყუპზე, ვერძსა და ლომზე, სასწორსა და მერწყულზე და მუტაბელური ჯვრის ოთხეულზე (მშვილდოსანი, ქალწული, თევზები). ტყუპის ცხოვრება შეიძლება რადიკალურად შეიცვალოს, არა მარტო გარეგნობა, არამედ საქმიანობაც. შეიძლება ახალი რამე მოსინჯოთ, გაიბრძოლოთ ძველი წესების წინააღმდეგ. მიხვდებით, რომ გადახედვას საჭიროებს თქვენი გარემო, ურთიერთობები, თავად თქვენი ცხოვრება. მშვილდოსანს ურანის ოპოზიცია პირადი ურთიერთობების განახლებას მოგთხოვთ. მიხვდებით, რომ მარტო თქვენ არ ხართ და სხვა ადამიანების აზრიც უნდა გაითვალისწინოთ. ზოგიერთს პარტნორობის სფეროში განახლება ელოდება: ძველი კავშირების გაწყვეტა, მოულოდნელობები, ახალი კავშირები. ქალწულებს ურანი ქაოსს და დაძაბულობას მოგიტანთ, იდეალურად დალაგებულ ნივთებს და საქმეებს თავდაყირა დაგიყენებთ. შეიძლება სხვების კონტროლისა და კრიტიკისთვის ახალი მეთოდები გამოიყენოთ. არ ჩაეჭიდოთ ძველს, სიახლეები დაგეგმეთ თქვენს საქმიანობაში, ისწავლეთ და განვითარდით, ეს გიყვართ და კარგადაც გამოგდით. თევზებისთვის მოიმატებს ემოციურობა. მოგინდებათ რეალობისგან გაქცევა როცა გარემო მკვეთრად შეიცვლება. ანუ, უნდა მიხვდეთ, რომ ახალ სამყაროში მოხვდით, ახალ წესებს უნდა შეეგუოთ და საყრდენი კი მხოლოდ საკუთარი თავი გყავთ. სასწორები და მერწყულები დაიწყებთ ახალი იდეების განხორციელებას, ხანდახან გიჟურსაც, ინტელექტუალურ ზრდას, გააბამთ საჭირო მეგობრობას. ლომებსა და ვერძებს სასიამოვნო განახლება გელოდებათ. თანაც იუპიტერი ლომში ვერძსაც მისცემს მხარდაჭერას და ეს ორი ცეცხლოვანი კიდევ უფრო გადაირევა ურანის გავლენით. თუმცა, თქვენთვის ეს აუცილებელიცაა, მიხვდებით, რომ ცოცხალი ხართ, აქტიური და კიდევ უფრო მეტის შექმნის სურვილი გაგიჩნდებათ. ჩემს საყვარელ ლომებს მერე ცალკე მოგხედავთ.გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
