მშობლების დიდ ნაწილს, რა თქმა უნდა, უდიდესი სურვილი გააჩნია, რომ მისმა პირმშომ სკოლის წლები აბსოლუტური ხუთოსნის ტიტულით განვლოს და სამომავლოდაც ხშირად იამაყოს მისი პროფესიული თუ პიროვნული მიღწევებით.
თუმცა, იმის მიხედვით, თუ რომელი ზოდიაქოს ნიშნით მოევლინა ქვეყანას თქვენი პატარა, ხშირად შეიძლება სავსებით მარტივად დადგინდეს, როგორი მოსწავლე იქნება იგი სკოლაში, რომელი საგნებისკენ ექნება მეტი ინტერესი და ისწავლის თუ არა ყველა საგანს იდეალურად.
პატარა ვერძს ჰუმანიტარული საგნები მოეწონება. მისთვის არანაკლებ საინტერესო იქნება ცეკვა და მუსიკა.
პატარა კუროს, როგორც წესი, მათემატიკური საგნები იზიდავს. იგი აღფრთოვანებაში მოჰყავს ბოტანიკასა და ზოოლოგიას.
პატარა ტყუპი ყველა საგნით ინტერესდება, თუმცა არასოდეს სწავლობს არაფერს ბოლომდე. მისთვის საინტერესო (და აუცილებელიც კი) იქნება გრამატიკის შესწავლა, იმიტომ, რომ, როგორც წესი, სამომავლოდ იგი რომელიმე “მოლაპარაკე” პროფესიას მიანიჭებს უპირატესობას.
პატარა კირჩხიბები ბეჯითი, მაგრამ მორცხვი მოსწავლეები არიან. შესაბამისად, ცოდნას, რომელსაც რეალურად ფლობენ, ხშირად ვერ ამჟღავნებენ ბოლომდე გადამეტებული ემოციურობის გამო. მათ ყველაზე მეტად მოსწონთ ისტორიის შესწავლა.
პატარა ლომი სიამოვნებით დაკავდება ჯგუფხელის თანამდებობით. სწავლა და სიბეჯითე დიდად არ იზიდავს, სამაგიეროდ, თუკი დაავალებთ, რომ სხვების სწავლის დონე გააკონტროლოს ან დაეხმაროს ვინმეს, შეიძლება სიამაყემ აიძულოს, თავადაც იმეცადინოს.
პატარა ქალწული ბეჯითი, მუყაითი მოწაფეა. მას გასაოცარი პასუხისმგებლობის გრძნობა გააჩნია. ამიტომ ყველა საგანს კარგად სწავლობს. თუმცა ყველაზე მეტად მაინც მათემატიკური საგნები ეადვილება. ქალწულებს შორის ძალიან ბევრი ფრიადოსანი გვხვდება.
პატარა სასწორები, როგორც წესი, მკაცრ გრაფიკს საჭიროებენ საიმისოდ, რომ ყველა საგანში კარგი მოსწრება აჩვენონ. როგორც წესი, მათ ჰუმანიტარული საგნები უფრო იზიდავთ.
პატარა სასწორები როგორც წესი, მკაცრ გრაფიკს საჭიროებენ საიმისოდ, რომ ყველა საგანში კარგი მოსწრება აჩვენონ. როგორც წესი, მათ ჰუმანიტარული საგნები უფრო იზიდავთ.
პატარა მორიელს მათემატიკური საგნებისკენ აქვს მიდრეკილება. იგი შესაძლოა დააინტერესოს ისტორიამ და ზოოლოგიამ. მორიელი ასევე იხიბლება ძერწვით. თუმცა ფრიადოსნებს მათ შორის ცოტას ვხვდებით. ეს იმიტომ, რომ რადიკალიზმით სავსე ხასიათი აქვთ. ყველაფერი არ აინტერესებთ.
პატარა მშვილდოსნები ძალზე ხშირად გვხვდებიან ე.წ. “მაჩანჩალების” და სკოლის ცნობილი “ხულიგნების” სიაში. არა იმიტომ, რომ მათ ნიჭიერება აკლიათ, არამედ იმიტომ, რომ ქუჩა უფრო აინტერესებთ ვიდრე სკოლა. მათ ძალიან იზიდავთ გეოგრაფია და სპორტი.
პატარა თხის რქებს შორის, როგორც წესი აბსოლუტური ფრიადოსნები და ყველა მასწავლებლის საყვარელი მოწაფეები გვხვდებიან. თხის რქას უზომოდ დიდი პასუხისმგებლობა გააჩნია პატარა ასაკიდან. იგი ყველა საგანს კარგად სწავლობს მხოლოდ იმიტომ, რომ ასეა საჭირო და მიღებული.
პატარა მერწყული როგორც წესი, განსაკუთრებულ სიბეჯითეს არასოდეს იჩენს სკოლაში. თუმცა, არის საგნები რომელიც მას აინტერესებს და ამ საგნებში შესაძლოა ფრიადოსანიც იყოს, დანარჩენი საგნების იგნორირების ხარჯზე. მერწყულს უყვარს ფილოსოფია, საბუნებისმეტყველო საგნები და ასტრონომია.
პატარა თევზები ერთმნიშვნელოვნად ჰუმანიტარები არიან საკუთარი ბუნებითა და აზროვნებით. ამიტომ მათ შორის უმეტესობა ვერ იტანს მათემატიკურ საგნებს. სამაგიეროდ, თქვენი შვილი, ხალისით ივლის ხელოვნების გაკვეთილებსა და მუსიკაზე.
მასალის გამოყენების პირობები
