2025 წლის დასრულებამდე არაერთი მნიშვნელოვანი ასტროლოგიური მოვლენა გველოდება. მათ შორის, პლუტონის შემობრუნება მერწყულში, სატურნის კარმული შეერთება ნეპტუნთან და ოპოზიცია ლილიტთან, სავსე მთვარე ტყუპებში, ნეპტუნის შემობრუნება და ასე შემდეგ. თითოეული მათგანი ადამიანებზე მნიშვნელოვან გავლენას მოახდენს.
როგორც ასტროლოგები ამბობენ, 2026 წლის დასაწყისამდე ზოდიაქოს 5 ნიშნის წარმომადგენელს შანსი ექნება, არსებული შეცდომები გამოასწოროს და მომდევნო წელი ახალი გამოცდილებითა და შემართებით დაიწყოს:
კურო – შეწყვიტეთ წარსულზე მიჯაჭვულობა
ამ ნიშნის წარმომადგენლები თავიანთი შეუპოვრობით არიან ცნობილნი, მაგრამ ზოგჯერ ეს ძალა სიჯიუტედ გადაიქცევა. სტაბილურობის შენარჩუნების სურვილი მათ აიძულებს, წარსულს ჩაეჭიდონ, მაშინაც კი, თუ ის მოძველებულია. ეს გამოიხატება ურთიერთობებშიც, ქცევებშიც, ჩვევებშიც. ასეთი მიჯაჭვულობა, სიახლეების შიში, რა თქმა უნდა, ახალ შესაძლებლობებს გაკარგვინებთ და განვითარებაში ხელს გიშლით.
2026 წელი შესამჩნევ ცვლილებებს მოგიტანთ იმ შემთხვევაში, თუ მოძველებულ საქმეებს, ჩვევებსა და ურთიერთობებს საბოლოოდ დაემშვიდობებით. თქვენი მთავარი ამოცანაა, მომდევნო თვეების განმავლობაში სისხარტე გამოავლინოთ, არ შეგეშინდეთ პასუხისმგებლობის აღებისა და ახალი გადაწყვეტილებების მიღების. ასეთ შემთხვევაში, მომდევნო წელი თქვენთვის მნიშვნელოვანი ტრანსფორმაციის ეტაპი იქნება.
სასწორი – შეწყვიტეთ გადაწყვეტილებების გადადება
სასწორები ყოყმანისკენ არიან მიდრეკილნი და კონკრეტული გადაწყვეტილების მიღებისთვის ,,იდეალურ მომენტს“ ეძებენ, რაც ხშირად დიდი დროით გადავადდება ხოლმე. გადაწყვეტილებების გადადების ეს ჩვევა შეიძლება სერიოზულ დაბრკოლებად იქცეს. 2026 წლამდე მნიშვნელოვანია, სწრაფად მოქმედება და თქვენს რეალურ სურვილებზე კონცენტრირება ისწავლოთ. თუ თქვენ ცვლილებებთან ადაპტირებას ვერ შეძლებთ, შესაძლოა, როგორც პირად, ასევე საქმიან ურთიერთობებში მნიშვნელოვანი შანსი დაკარგოთ.
სასწორებმა უნდა გააცნობიერონ, რომ გადაწყვეტილებების მიღებისას სიმტკიცესა და თავდაჯერებულობას განსაკუთრებული მნიშვნელობა აქვს. ნუ შეგეშინდებათ რისკებისა და პასუხისმგებლობის აღების. წინააღმდეგ შემთხვევაში, მოგიწევთ, მხოლოდ იმით დაკმაყოფილდეთ, რაც გაქვთ.
მერწყული – შეწყვიტეთ ცვლილებებისათვის წინააღმდეგობის გაწევა
მერწყულები ხშირად ცვლილებებს ეწინააღმდეგებიან და პასუხისმგებლობების აღების ეშინიათ. თუ წინააღმდეგობას გააგრძელებთ, ცხოვრება ძველ სტრუქტურებს მკაცრად და მტკივნეულად დაანგრევს. ეს ჩვევა თქვენი პოტენციალის გამოვლენაში ხელს მნიშვნელოვნად შეგიშლით და განვითარების შესაძლებლობას აღარ მოგცემთ. მომდევნო რამდენიმე თვის განმავლობაში, შეეცადეთ, ახალ შესაძლებლობებზე უარი არ თქვათ.
თქვენი მთავარი ამოცანაა, სხვადასხვა საკითხის მართვა ისწავლოთ და არა წინააღმდეგობის გაწევა. ცვლილებებმა შესაძლოა, სამსახურზე, ფინანსებზე, ურთიერთობებსა და პიროვნულ განვითარებაზე გავლენა მოახდინოს. გამბედაობა და მოქმედების სურვილი სტაბილურობისა და პიროვნული თავისუფლებისკენ გზას გაგიხსნით. თუ ამას ახლავე გააცნობიერებთ, 2026 წელი თავდაჯერებულობას, განვითარებასა და ახალ შესაძლებლობებს მოგიტანთ.
ასევე ნახეთ: „მარტივი რიტუალი პრობლემებისგან თავის დასაღწევად…“ – რას გვირჩევს ასტროლოგი
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
