11 მარტს იუპიტერი – დიდი ბედნიერების პლანეტა გამოდის რეტროგრადული სვლიდან და 30 ივნისამდე თქვენს ნიშანში იქნება – უნდა გამოიყენოთ ეს დრო, რომ მიაღწიოთ სასურველს, გახდეთ გავლენიანი, გურუ თქვენს საქმიანობაში. სანამ იუპიტერი რეტროგრადული იყო, შეიძლება გეჩვენებოდათ, რომ ერთ ადგილს ტკეპნით, არაფერი გამოგდით, ხელმოწერამდე მისული ხელშეკრულება უქმდება, ახლა სიტუაცია შეიცვლება და მიიღებთ იუპიტერის საჩუქრებს. მთავარია, წარსულში დაშვებული შეცდომები გაითვალისწინოთ და გამოასწოროთ. 13 მარტს მარსი შეერთებაშია მთვარის კარმულ კვანძთან – უნდა დაფიქრდეთ, რა მიმართულებით განვითარდეთ მომავალში, რა უნდა გააკეთოთ, გადალახოთ, რომ მიაღწიოთ წარმატებას და გამარჯვებას. შეიძლება დაგჭირდეთ დამატებითი ცოდნის მიღება, იურიდიული საკითხები მოგვარება. გამოგიჩნდეთ შესაძლებლობა, რომ გაემგზავროთ უცხოეთში, იქ მიიღოთ მოქმედების (სწავლა, მუშაობა) შესაძლებლობა. 14 მარტს მარსი დაპირისპირებაშია ლილიტთან, შავ მთვარესთან – მოერიდეთ უსიამოვნებას საყვარელ ადამიანთან, კოლეგებთან, კლიენტებთან და პარტნიორებთან. შეიძლება მეტი დრო დახარჯოთ სხვების პრობლემების მოგვარებაზე. 15 მარტს მარსი შეერთებაშია რეტროგრადულ მერკურთან – სიტყვა შეიძლება იარაღი გახდეს. ამიტომ, დაფიქრდით, სანამ რამეს იტყვით. ნუ აჩქარდებით მოქმედებისას. ნურავის ნურაფერს ნუ დაპირდებით და ნუ იტყვით იმას, რასაც ვერ გააკეთებთ. ეცადეთ, რომ თქვენი სიტყვა და საქმე ერთმანეთს შეესაბამებოდეს. 16 მარტს მერკური დაპირისპირებაშია ლილიტთან – ისევ ფრთხილად სიტყვებთან, ნუ გაავრცელებთ ჭორებს. გაფრთხილდით მგზავრობისას. თავადაც ნუ ენდობით გადაუმოწმებელ ინფორმაციას, ნუ გაავრცელებთ ჭორებს. 19 მარტს ახალმთვარეობა გველოდება თევზებში – ისევ უცხოეთის თემაა აქტუალური. დაფიქრდით, რის გაკეთებას აპირებთ, მოაგვარეთ იურიდიული საკითხები, მიიღებთ საჭირო ინფორმაციას, საბუთს, ან ამბავს უცხოეთიდან. თუ წერთ, შეიძლება გამოქვეყნდეს თქვენი ნაშრომი. მოგეცემათ განვითარების შანსი. ან უნდა აიღოთ დიპლომი, ან გადაწყვიტოთ უმაღლესში ჩაბარება. 20 მარტს 18:46-ზე მზე გადადის ვერძის ზოდიაქოში, დგება გაზაფხულის ბუნიობა და ასტრონომიული ახალი წელი. უნდა გააქტიურდეთ თქვენი სტატუსის გაძლიერებაზე, რაღაცას უნდა მიაღწიოთ. თუმცა, ამავე დროს გაფრთხილდით, რომ რეპუტაცია არ შეგელახოთ. 21 მარტს მერკური მოძრაობას ასწორებს, რეტროგრადული სვლიდან გამოდის – 2-3 დღის შემდეგ შეგიძლიათ დაიწყოთ ახალი საქმეების შესრულება. მიიღებთ ფულს, მნიშვნელოვან ინფორმაციას ან საბუთს. ან შეიძლება მიიღოთ უცხოეთში გასამგზავრებელი საბუთი. გააფორმოთ მნიშვნელოვანი ხელშეკრულება, რომელზე საუბარიც ადრე უკვე იყო. უფრო იოლად გაიგებთ გარშემო მყოფების ნათქვამს და აღარ მოგიწევთ ქვეტექსტების ძიება. 22 მარტს მზე ნეპტუნთან შეერთებაშია – სურვილი უნდა აისრულოთ. შეიძლება ისეთი ცხოვრება დაიწყოთ, რაზეც ოცნებობდით. თუმცა, მხოლოდ იცნებებს ნუ დასჯერდებით, ვარდისფერი სათვალე მოიხსენით, სხვა ვერაფერს გაგიკეთებთ და სხვისი იმედი ნუ გექნებათ, თავად იაქტიურეთ და რაც მთავარია, მოერიდეთ მათრობელა, ალკოჰოლური და ნარკოტიკული საშუალებებს მიღებას. 25 მარტს მზე სატურნთან შეერთებაშია – მეტი პასუხისმგებლობა, მოთმინება და ვალდებულება უნდა გამოავლინოთ, თუ გსურთ, რომ რეპუტაცია შეინარჩუნოთ. ზოგჯერ მკაცრიც უნდა იყოთ, რომ საქმე არ გაფუჭდეს. ზოგიერთმა შეიძლება მაღალი თანამდებობა დაიკაოთ. 30 მარტს ვენერა კუროში გადავა 24 აპრილამდე – გაგიუმჯობესდბათ დამოკიდებულება მეგობრებთან, შეიძლება ახალი ჯგუფის, გუნდის წევრი გახდეთ. ზოგიერთს რომანტიკული ნაცნობობა გელოდებათ სოციალურ ქსელებში, ზოგი კი ინტერნეტით შეიძენთ ლამაზ ნივთებს ან თუ შემოქმედი ადამიანი ხართ, სოციალური ქსელებში დაიწყებთ თქვენი ჰენდმეიდის გაყიდვას. უფრო ვრცლად
