მაისში, როგორც აღვნიშნეთ, ახალი მთვარე კუროს ნიშანში იქნება. ის რეტროგრადული პლუტონის პერიოდსაც ემთხვევა. ამიტომ, როგორც ასტროლოგები ამბობენ, ვიდრე ახალ გადაწყვეტილებებს მიიღებთ, ეს პერიოდი წარსულის შეცდომების გაანალიზებასა და სწორი დასკვნების გამოტანას დაუთმეთ. ეს აუცილებლად დაგეხმარებათ, რომ სამომავლოდ წარმატებას მიაღწიოთ. გარდა ამისა, შესაძლოა, ამ დღეს დაღლილობა, უენერგიობა იგრძნოთ – ნუ შეგეშინდებათ, ახალ მთვარეს ხასიათისა და ემოციების ცვლილებაც თან ახლავს და ფიზიკურად შესაძლოა, სწორედ უმოტივაციობასა და უენერგიობაში გამოვლინდეს.
ვინაიდან კუროს ნიშანი ძირითადად ფინანსურ საკითხებსა და ქონების შეძენაზეა პასუხისმგებელი, უმჯობესია, ამ მიმართულებით უფრო ყურადღებით იყოთ. შესაძლოა, ახალი მთვარის პერიოდში რაიმე ახლის შეძენა მოგინდეთ, მაგრამ ასტროლოგები გირჩევენ, რომ ფულის დახარჯვის საკითხს ყურადღებით მოეკიდოთ. შესაძლოა, რაიმეს შესყიდვის სურვილი სპონტანური იყოს და სინამდვილეში სულაც არ გჭირდებოდეთ კონკრეტული ნივთი თუ სხვა რამ.
ეს ყველაზე კარგი პერიოდია კუროსთვის, ქალწულისთვის, თხის რქისთვის, თევზებისა და კირჩხიბის ნიშნის წარმომადგენლებისათვის. თუკი ამ დღეს რაიმეს დაწყებას ან გარდაქმნას გადაწყვეტთ, ყველაფერი წარმატებით დასრულდება და სამომავლოდაც გამოგადგებათ.
ლომისთვის, მორიელისა და მერწყულის ნიშნის წარმომადგენლებისათვის შედარებით რთული პერიოდი იქნება. მომატებულ ემოციურობას იგრძნობთ და შესაძლოა, კონფლიქტურ სიტუაციაშიც აღმოჩნდეთ. საკუთარ მენტალურ ჯანმრთელობას ყურადღება მიაქციეთ და მიეცით თქვენს თავს უფლება, რომ დაისვენოს და განიტვირთოს.
სხვა ნიშნებისათვის ნეიტრალური პერიოდია.
რა არ უნდა გააკეთოთ 8 მაისის ახალი მთვარის დროს?
- ნუ გადაიტვირთებით ზედმეტად – თუ დაღლილი ხართ, აუცილებლად უნდა დაისვენოთ. წინააღმდეგ შემთხვევაში, უენერგიობა მთელი თვის განმავლობაში გაგყვებათ და მოტივაციასაც დაკარგავთ.
- დააკვირდით, რას მიირთმევთ – თუ გსურთ, მავნე ჩვევებზე უარი თქვათ, ცხოვრების ჯანსაღი წესი დაიცვათ, კვების მოდელი შეცვალოთ, ამისათვის კუროს ნიშანში ახალი მთვარე შესანიშნავი პერიოდია. დროა, საკუთარ თავსა და სხეულს მოუსმინოთ. წინააღმდეგ შემთხვევაში, შესაძლოა, მომავალში ჯანმრთელობის პრობლემებმა შეგაწუხოთ.
- ნუ გადაწყვეტთ სპონტანურ შესყიდვებს – შესაძლოა, თანხა არაგონივრულად დახარჯოთ და შემდეგ აღმოაჩინოთ, რომ არ გჭირდებოდათ.
- არ ჩაერთოთ კონფლიქტურ სიტუაციაში – მომატებული ემოციური ფონის გამო შესაძლოა, თქვენთვის მნიშვნელოვან ადამიანებსაც კი ძალიან აწყენინოთ.
QR კოდი
სტატიის ციტირება
შენი ჰოროსკოპი. (2024). რა არ უნდა გააკეთოთ 8 მაისის ახალი მთვარის დროს. 6 მაისი, 2024. https://shenihoroskopi.ge/რა-არ-უნდა-გააკეთოთ-8-მაისი/